Donny Lalruatsanga, Deputy Commissioner & District Election Officer, Lawngtlai ni bawk chuan 'Final Electoral Roll' hi tlangzarhin, Collin Hlychho, Election Officer, chuan inkhawm hi a kaihruai.

Lawngtlai DC chuan, "LADC area chu foreigner leh refugee awm na anih avangin kan fimkhur a ngai hle a. Briefing theih ang tawh a uluk leh fimkhur in kan ti a ni a ti a. AERO, ERO, Election branch staff ten chhunzan zawm a an thawh rah a ni a, vawiin ni a Roll tha tak kan nei thei hi a lawmwm hle a ni," a ti.

Draft Electoral Rolls tlangzarh inkhawmah hian Political Party aiawh an telkim vek thei a, Party aiawh lo kalte hnenah 'Final Electoral Rolls' copy khat theuh a hlan nghal a ni.

Nimin Final Electoral Rolls tlangzarh tak atanga a lan danin , LADC huamchhunga MDC inthlanpui lo awm turah hian vote nei mipa- 27,844 leh hmeichhia-29,013 awmin, a vaiin vote nei mi - 56,857 an awm a. Polling Station- a Vote awm tamna ber chu 1/1 Pangkhua ( vote- 1189) niin, Polling Station- a vote tlemna ber chu 23/ 8 Hmawngbuchhuah (vote- 1) a ni.

Final Electoral Roll tlangzarhnaah hian H.Zonunmawia, ERO, Lawngtlai chuan thu tawi a sawi a, Margareth J. Vanlalremmawii, ERO leh BLO te an tel a, interaction neih nghal niin, Collin Hlychho, Election Officer, lawmthu sawina in tlangzarhna hun khar.